राधानगरी तालुक्यातील सराईत चोरटा जेरबंद

स्थानिक गुन्हे शाखेची कारवाई ; साडेपाच लाखाचा मुद्देमाल हस्तगत  

कोल्हापूर ता.१८ (प्रतिनिधी)

       सरनोबतवाडी ता. करवीर येथील दत्तू सदाशिव काकडे यांनी बँकेतून सोडवून, घरी ठेवल्या सोन्याच्या दागिन्यासह रोख रक्कमेवर डल्ला मारणाऱ्या चोरट्याला स्थानिक गुन्हे शाखेच्या पथकाने जेरबंद केले. संदीप नाना डोणे वय (३२ रा. डोणेवाडी पैकी तळगाव राधानगरी) असे संशयित चोरट्याचे नाव आहे. ५ लाख ५२ हजाराचा मुद्देमाल हस्तगत  करण्यात आला आहे.  सोमवार ता.१६ रोजी आमजाई-व्हरवडे ता. राधानगरी येथे चोरीतील दागिन्याची विक्री करण्यासाठी आला असता ही कारवाई करण्यात आली.

     करवीर तालुक्यातील सरनोबतवाडी येथे राहणारे दत्तू काकडे हे ट्रक चालक म्हणून काम करतात. त्यांनी ट्रक खरेदी करण्यासाठी किरण निकाळजे यांच्याकडून ५ लाख ५० हजार रुपये हातउसने आणले होते. त्यापैकी घरातील सोन्याचे दागिने बँकेत तारण ठेवले होते. १ लाख ५० घेऊन १५ नोव्हेंबर रोजी त्यांनी बँकेतून सोडवून आणले  होते. दागिने व उर्वरित ३ लाख ५० हजार रुपये त्यांनी कपाटातील ड्रॉव्हरमध्ये ठेवले होते. त्यानंतर ते मंगळवेढा येथील नातेवाईकांकडे गेले होते. १५ ते २० नोव्हेंबर दरम्यानच्या काळात चोरट्याने त्यांच्या घरातील सोन्याचे दागिने लंपास केले होते.

       जिल्ह्यातील घरफोडीचे गुन्हे उघडकीस आणण्याच्या सूचना पोलीस अधिक्षक यांनी जिल्ह्यातील सर्व पोलीस ठाण्याच्या प्रभारी अधिकाऱ्यांना दिल्या होत्या.त्यानुसार गुन्हे शाखेचे पोलीस निरीक्षक यांनी एक पथक तयार केले होते. या पथकातील पोलीस अंमलदार विजय इंगळे आणि संयज कुंभार यांना माहिती गोपनीय माहिती मिळाली होती की,  डोणेवाडी ता. राधानगरी येथील संदीप डोणे हा चोरीतील दागिने विक्रीसाठी आमजाई- व्हारवडे येथे येणार आहे. या माहितीच्या आधारे त्याने त्या ठिकाणी सापळा रचून संशयितास ताब्यात घेतले. त्याच्याकडे कसून चौकशी केली असता, सरनोबतवाडीत घरफोडी केल्याची कबुली दिली. त्याच्याकडून २३.६ ग्राम सोन्याचे दागिने आणि २७५ ग्राम चांदीचे दागिने रोख रक्कम असा  ५ लाख ५२ हजार रुपयांच्न्या मुद्देमाल जप्त करण्यात आला आहे. संशयिताकडून आणखी गुन्हे उघडकीस येण्याची शक्यात पोलिसांनी वर्तवली आहे.

     ही कारवाई पोलीस निरीक्षक रविंद्र कळमकर यांच्यमार्गदर्शनाखाली  उपनिरीक्षक जालिंदर जाधव, अंमलदार विजय इंगळे, संजय कुंभार, महेश पाटील, सागर माने, लखन पाटील, शुभम संकपाळ, संजय पडवळ रोहित मर्दाने,  कृष्णात पिंगळे यांनी केली.