तायक्वांदो अजिंक्यपद स्पर्धेत एमटीडीके शैक्षणिक संकुलच्या मुलांचे घवघवीत यश

मिरज (प्रतिनिधी)

तायक्वांदो असोसिएशन ऑफ महाराष्ट्र राज्य संघटनेच्या मान्यतेने तायक्वांदो असोसिएशन ऑफ सांगली जिल्हा तर्फे जिल्हास्तरीय सब ज्युनिअर, सिनियर( क्युरोगी व पुमसे) तायक्वांदो अजिंक्यपद स्पर्धा मार्केट यार्ड सांगली येथे घेण्यात आल्या. या स्पर्धांमधून राज्यस्तरीय स्पर्धेच्या खेळाडूंची निवड करण्यात आली. त्यामध्ये एम.टी.डी.के. शैक्षणिक संकुलमधील आराध्या गड्यापगोळ , लिबा शरीफमसलत, स्वरा बारगाळे व मोनल दुर्गाडे या विद्यार्थ्यांनी आपले स्थान निश्चित केले आहे. तसेच ६ सुवर्ण, ७ रौप्य तर १८ कांस्य पदक पटकावत शाळेने साधारण दुसरा क्रमांक मिळवला.

यासाठी त्यांना क्रीडा शिक्षक स्टीफन काकी यांचे मोलाचे मार्गदर्शन लाभले. या यशासाठी विद्यार्थ्यांचे शिक्षक, पालक यांच्याकडून अभिनंदन व कौतुक केले जात आहे. तसेच या विद्यार्थ्यांना संस्थेचे संस्थापक अध्यक्ष आ.डॉ. सुरेश भाऊ खाडे, संचालिका सुमनताई खाडे, सुशांत खाडे, मुख्य कार्यकारी अधिकारी स्वाती खाडे, मुख्याध्यापिका संगीता पाटील व करुणा माने यांचे सहकार्य व मार्गदर्शन लाभले.