राष्ट्रवादीचे इद्रिस नायकवडींच्या वाढदिवसाचे औचित्य साधून महादेव दबडे यांच्यातर्फे शासन आपल्या दारी अभियानाचा शुभारंभ
मिरज प्रतिनिधी
राष्ट्रवादी अजित पवार गटाचे अल्पसंख्यांक प्रदेशाध्यक्ष इद्रिस नायकवडी यांच्या वाढदिवसानिमित्त सर्व पक्षातील मान्यवर ,सामाजिक संघटनेच्या पदाधिकारी कार्यकर्त्यांनी उपस्थित राहून त्यांच्यावर शुभेच्छांचा वर्षाव केला. महाराष्ट्र राज्याचे उपमुख्यमंत्री ना.अजितदादा पवार व राष्ट्रवादी अल्पसंख्याक विभागाचे प्रदेशाध्यक्ष इद्रिस भाई नायकवडी यांच्या वाढदिवस दिवसाचे औचित्य साधून “योजना कल्याणकारी सर्वसामान्यांच्या दारी” या शासन आपल्या दारी या अभियानाची सुरुवात विधानसभा क्षेत्र प्रमुख महादेव दबडे यांनी केली.
इद्रिस भाई नायकवडी यांच्या हस्ते वाहनाचे पूजन करून शुभारंभ करण्यात आला. मिरज विधानसभा क्षेत्रातील तळागाळातील लोकांपर्यंत शासकीय योजनेचा लाभ पोहोचवण्यासाठी याचा लाभ होणार आहे. मिरज विधानसभा क्षेत्रातील प्रत्येकाच्या घरोघरी वाहन जाऊन नोंदणी करण्यात येणार आहे. अल्पसंख्यांक प्रदेशाध्यक्ष इद्रिस भाई नायकवडी यांनी महादेव दबडे यांच्या या उपक्रमाचे कौतुक करून सर्वांनी याचा लाभ घ्यावा असे आवाहन केले.
यावेळी जनसुराज्य पक्षाचे प्रदेशाध्यक्ष समित कदम, आरपीआयचे श्वेत कांबळे, किरण बंडगर, तालुका अध्यक्ष तानाजी दळवी, नियोजन समिती सदस्य अतहर नाईकवाडी, बोलवडचे माजी सरपंच पिंटू नाईक, टाकळीचे माजी उपसरपंच सुलेमान मुजावर, टाकळीचे पोलीस पाटील संजय माने, लखन सर्वदे, सतीश नाईक यांच्यासह विविध सामाजिक संघटना ,पक्षाचे नेते उपस्थित होते.
About The Author
