मिरजेत आ.खाडेंकडून विकासकामांचा धडाका सुरुच ; टाकळीत ५ कोटी ३७ लाखांच्या कामाचा शुभारंभ

मिरज (प्रतिनिधी)

माजी पालकमंत्री व विद्यमान आमदार डॉ.सुरेशभाऊ खाडे यांनी जिल्हा परिषद व पंचायत समिति निवडणुकांच्या तोंडावर ग्रामीण भागातील विकासकामांचा धडाका सुरु केला असून सोमवार टाकळी येथील नागरीसुविधा, डी. पी. सी. 25:15 आणि आमदार फंड या अंतर्गत तब्बल 5 कोटी 37 लाख रुपयाच्या 5 विकासकामांचा शुभारंभ आ. डॉ. सुरेशभाऊ खाडे यांच्या शुभहस्ते संपन्न झाला. याच गावातील अन्य 6 कामांसाठीच 82 लाख रुपयांचा प्रस्ताव पाठविण्यात आला असून लवकरच त्या कामांची मंजुरी येणार असून ती कामेही तातडीने सुरु होणार आहेत.

टाकळी गावातील नागरिकांच्या मागणीप्रमाणे व या नागरिकांना सदरची कामेकरून देण्याचे वचन दिल्याप्रमाणे आ.खाडे यांनी वचन पूर्तता केली असून जनतेला या विकासकामांच्या माध्यमातून दिवाळी भेट दिली आहे. याप्रसंगी युवा नेते सुशांतदादा खाडे, माजी पंचायत समिती सदस्य किरण बंडगर, अजित पवार गटाचे विधानसभा क्षेत्राध्यक्ष महादेव दबडे, सरपंच हिना नदाफ, उपसरपंच पूजा संतोष भोसले, सदस्य रूपाली रावसाहेब लोखंडे, रिदा मुजावर, ऑगस्ट कोरे, राजकुमार पाटील, मन्सूर नदाफ, मनोज नांद्रेकर, सोसायटीचे माजी चेअरमन अरुण गडकरी, प्रवीण कोरे, सुनील पाटील, राजकुमार पाटील, राम पाटील, संतोष भोसले, रावसाहेब लोखंडे, देशभूषण उपाध्ये, मल्लाप्पा वाघमोडे, कल्पना कदम, सुरेश इटनाळ, सचिन पाटील यांच्यासह भाजप पदाधिकारी, कार्यकर्ते व परिसरातील नागरिक मोठ्या संख्येने उपस्थित होते. यावेळी बाळासाहेब वाघमोडे यांनी खाडेंच्या पाठीशी आम्ही कायम राहणार असल्याची ग्वाही दिली.