नरवाड येथील राष्ट्रवादी शरद पवार गटातील भिर्डे परिवार भाजपमध्ये

मिरज (प्रतिनिधी)

नरवाड (ता. मिरज) येथील विष्णू अण्णू भिर्डे व सागर विष्णू भिर्डे यांनी माजी पालकमंत्री आ. डॉ.सुरेशभाऊ खाडे यांच्या उपस्थितीत कार्यकर्त्यांसह भारतीय जनता पक्षामध्ये प्रवेश केला. मिरज येथील आ.डॉ. सुरेशभाऊ खाडे यांच्या जनसंपर्क कार्यालयात आ. खाडे यांनी भिर्डे यांचा भाजप मध्ये प्रवेश घेतला व त्यांचे पुष्पगुच्छ देऊन स्वागत केले.

भिर्डे कुटुंबीयांच्या प्रवेशामुळे नरवाडमधील भारतीय जनता पक्षाच्या संघटनेला नवे बळ मिळाले असून आगामी निवडणुकांत पक्षाला अधिक सक्षम पाठबळ मिळेल, हा विश्वास असल्याचे आ. खाडे यावेळी म्हणाले. यावेळी धनंजय कुलकर्णी, चैतन्य भोकरे, अभिजित गौराजे यांच्यासह नरवाड सरपंच मारुती जमादार, सुखदेव शेळके, राजेंद्र बन्ने , धनाजी रामू पोलीस पाटील, परशराम पाटील, मारुती जमादार, विकास कांबळे, शिवानंद माळी, विलास जगदाळे, प्रवीण कनप आदी भाजप पदाधिकारी व कार्यकर्ते उपस्थित होते.