राजर्षी छत्रपती शाहू कॉलेज कबड्डी स्पर्धेत उपविजेता

रयत शिक्षण संस्थेच्या जनरल बॉडी सदस्या सरोज पाटील (माई) महाविद्यालय विकास समितीच्या चेअरमन सौ. संगीता पाटील यांनी अभिनंदन केले.

कोल्हापूर. (प्रतिनिधी) जिल्हा क्रीडा अधिकारी कार्यालय व कोल्हापूर महानगरपालिका यांच्यावतीने विभागीय क्रीडा संकुल येथे आयोजित करण्यात आलेल्या 19 वर्षाखालील मनपास्तर शालेय शासकीय मुलांच्या कबड्‌डी स्पर्धेत येथील रयत शिक्षण संस्थेच्या राजर्षी छत्रपती शाहू काँलेजच्या संघाने द्वितीय क्रमांक संपादन केला. साखळी सामन्यात शाहू कॉलेजच्या संघाने महावीर कॉलेज, विवेकानंद कॉलेज या मातब्बर संघाचा पराभव करत अंतिम फेरी गाठली होती पण टाय झालेल्या अंतिम सामन्यात एस. एम. लोहिया संघाविरुद्ध टाय ब्रेकरवर केवळ एक गुणामुळे संघाला उपविजेतेपदावर समाधान मानावे लागले.

उपविजेत्या संघाचे रयत शिक्षण संस्थेच्या जनरल बॉडी सदस्या सरोज पाटील (माई) महाविद्यालय विकास समितीच्या चेअरमन सौ. संगीता पाटील, सदस्य मा. श्री. प्रशांत पाटील, महाविद्यालयाचे प्राचार्य प्रो. डाँ. डी. आर. भोसले रयत शिक्षण संस्थेचे आजीव सदस्य प्रा. डी. एम. गायकवाड, उपप्राचार्या सौ. एल. बी. चव्हाण यांनी अभिनंदन केले.

संघास व्यवस्थापक प्रा. संजय सिताप, सौ. स्नेहा पाटील, सौ. एम. डी. पाटील व क्रीडा शिक्षक प्रा. रणजीत राणेसंकपाळ यांचे मार्गदर्शन लाभले,