कर्मवीर जयंतीनिमित्त शाहू कॉलेजच्यावतीने रॅलीचे आयोजन
कोल्हापूर (प्रतिनिधी) : येथील रयत शिक्षण संस्थेच्या राजर्षी छत्रपती शाहू कॉलेज यांच्या वतीने पद्मभूषण डॉ. कर्मवीर भाऊराव पाटील यांच्या १३९ व्या जयंतीनिमित्त मंगळवार दि.२२ रोजी रॅलीचे आयोजन करण्यात आले होते.
यावेळी कर्मवीर भाऊराव पाटील यांच्या रथाची मिरवणूक महाविद्यालयाच्या वतीने काढण्यात आली. यावेळी महाविद्यालयातील कर्मवीर भाऊराव पाटील आणि राजर्षी छत्रपती शाहू महाराज यांच्या पुतळ्यास मा. प्र. प्राचार्य, प्रो. डॉ. डी. आर. भोसले यांच्या शुभहस्ते पुष्पहार अर्पण करून रॅलीची सुरुवात करण्यात आली.
शाहू कॉलेज ते शहरातील मध्यवर्ती बसस्थानकासमोर असणाऱ्या कर्मवीर अण्णांच्या पुतळ्यापर्यंत व नंतर परत शाहू कॉलेज असे रॅलीचे नियोजन करण्यात आले होते. विद्यार्थ्यांचे झांज पथक व शैक्षणिक संदेश देणारे विविध फलक हे रॅलीचे मुख्य आकर्षण होते. महाविद्यालयाच्या वतीने प्र. प्राचार्य, प्रो. डॉ. डी. आर. भोसले यांनी मध्यवर्ती बसस्थानकासमोर असणाऱ्या कर्मवीर अण्णांच्या पुतळ्यास पुष्पहार अर्पण करून अभिवादन केले.
याप्रसंगी रयत शिक्षण संस्थेचे जनरल बॉडी सदस्य प्राचार्य, डॉ. टी. एस. पाटील, कॉम्रेड दिलीप पवार, रयत शिक्षण संस्थेचे लाईफ मेंबर प्रा. डी. एम. गायकवाड, आयक्युएससी प्रमुख डॉ. यु. बी. शेळके, उपप्राचार्या, प्रो. डॉ. पी. बी. पिस्टे, प्रो. डॉ. एम. बी. देसाई, ज्युनिअर विभागाच्या उपप्राचार्या, प्रा. एल. बी. चव्हाण, सांस्कृतिक विभागप्रमुख प्रा. डी. ए. माळवेकर, राष्ट्रीय छात्र सेनेचे प्रमुख कॅप्टन डॉ. आर. सी. पाटील, राष्ट्रीय सेवा योजना विभागाचे प्रमुख डॉ. जी. एम. लवंगारे, कार्यालयीन अधीक्षक श्री. बी. एम. शिंदे, सर्व विभागाचे विभागप्रमुख, राष्ट्रीय छात्र सेना, राष्ट्रीय सेवा योजनेचे विद्यार्थी, प्राध्यापक तसेच शिक्षकेतर कर्मचारी मोठ्या संख्येने उपस्थित होते
