कुंभी कासारी कारखान्यात कर्मचाऱ्याचा अपघाती मृत्यू

 कामावरती निघताना स्वतःच्या गाडीतील तेल संपल, हातकरून आलेली गाडीही पंक्चर, पुढे सहकर्मचा-याच्या गाडीवरून कामावर पोहचले आणी अखेर सरदारला काळाने गाठलेच

कुंभी कासारी सहकारी साखर कारखान्यात काम करत असताना पाय घसरून उंचीवरून पडल्याने कर्मचाऱ्यांचि मृत्यू झाला. सरदार विष्णू पाटील (वय ४५) रा म्हाळूगे ता. पन्हाळा असे त्यांचे नाव आहे.शुक्रवारी सकाळी  १०.३०च्या दरम्यान ही घटना घडली. अपघाताची नोंद करवीर पोलिसात झाली आहे.   घटनास्थळावर मिळालेली माहिती अशी सरदार पाटील हे कुंभी कारखान्यात इंजिनिअरिंग विभागात कर्मचारी होते. कामानिमित्त ते उत्पादन विभागातील  पँन सेक्शनमध्ये कंडेन्सर जवळील प्लँटफॉर्मवर चढले होते. प्लँटफॉर्मवरून त्यांचा पाय  घसरल्याने तेजमीनीवर थेट डोक्यावर पडल्याने त्याच्या डोक्याला गंभीर इजा झाली. त्यांना तातडीने शासकीय रुग्णालयात दाखल करण्यात आले. पण उपचारापूर्वीच त्यांचा मृत्यू झाल्याचे डॉक्टरांनी सांगितले.अपघाताची माहिती मिळताच कारखान्याचे अध्यक्ष आमदार चंद्रदीप नरके सर्व संचालकांनी शासकीय रुग्णालयात धाव घेतली.उत्तरीय तपासणीनंतर सरदार याचा मृतदेह नातेवाईकांच्या ताब्यात देण्यात आला त्याच्या पश्चात पत्नी, दोन मुले, व आई वडील असा परिवार आहे.सरदार कामाशी प्रमाणिक आणि मनमिळावू असल्याने कुंभी कासारी कारखान्यावर शोककळा पसरली होती. तेल संपल्यानंतर दुसऱ्याच्या गाडीला हात करून तो पडळ फाट्या पर्यंत आला. तीही गाडी पंक्चर झाली. तोपर्यंत कुंभी कारखान्याकडे जाणारे एक कर्मचारी भेटल्याने त्यांच्या गाडी वरून तो कुंभी कारखान्यावर आला होता. अपघातात त्याचा मृत्यू झाल्याने अखेर सरदारला काळाने गाठलेच अशी चर्चा होती. वडिलांना अर्धांग वायू – सरदार वडिलांना एकूलता एक आहे. शेती जनावरे सांभाळत तो नोकरी करत होता.वयस्कर वडिलांना अर्धांग वायू झाल्याने त्यांची सेवाही सरदारला करावी लागत होती.